Selfyssingar tóku á móti Fram í fyrsta leik Lengjubikarsins um helgina. Fram liðið hefur verið á mikilli siglingu undanfarið og kláruðu Reykjarvíkurmótið næsta auðveldlega er þeir tóku KR 5-0 í úrslitaleiknum.

Byrjunarlið Selfoss var eftirfarandi: Jóhann Ólafur, Siggi Eyberg, Ivar Skjerve, Endre Brenne, Andri Freyr, Ingó Tóta (Sindri Rúnars) Ingi Rafn (Ingvi Rafn), Jón Daði, Ólafur Karl, Joe Tillen og Viðar Örn.

Leikurinn var heilt yfir í nokkru jafnvægi. Fram komst yfir á 12. mín með góðu marki. Stuttu seinna komst Viðar Örn í gott færi eftir góðan undirbúning frá Jóni Daða og Óli Kalli fylgdi vel á eftir en aftur var varið. Í seinni hálfleik átti Sveinbjörn Jónasson skot í stöng. Viðar Örn skoraði gott mark fyrir Selfyssinga sem dæmt af vegna rangstöðu. Fram skoraði svo seinna mark sitt á 93. mín úr aukaspyrnu af 50 metra færi.

Ingvi Rafn Óskars kom inn fyrir Inga Rafn og Sindri Rúnars kom inn fyrir Ingó Tóta. Sindri Rúnars var að spila sinn fyrsta meistaraflokksleik fyrir Selfoss og óskum við honum til hamingju með það, en Sindri er fæddur árið 1995. Gaman er einnig að segja frá því að systir hans Sindra, hún Katrín Rúnars sem er fædd 1996 spilaði sama dag sinn fyrsta meistaraflokksleik, er Selfoss tapaði 4-2 gegn Breiðablik. Þar skoraði hún meira að segja annað mark Selfoss.

Fyrir þá sem láta það sig einhverju máli skipta þá voru 7 uppaldir leikmenn í byrjunarliði Selfoss, en 2 í byrjunarliði Fram. Og varamenn Selfoss komu líka allir úr unglingastarfinu þar. Ekki það að það skipti öllu, en sumir hafa gaman að svona tölum.

Næsti leikur er gegn Þrótt og fer hann fram föstudaginn 24. feb kl 21.00 í Egilshöll.

Þau leiðinlegu tíðindi voru svo að berast vestan að fjörðum að Arilíus Marteinsson getur ekki tekið þátt í Íslandsmótinu í ár vegna fjölskylduaðstæðna. Við vonum bara að Alli komi að ári enn sterkari.

Deila

Selfoss og Keflavík léku á laugardaginn loka leik sinn í fotbolta.net mótinu. leikið var um 7. sæti og voru það Selfyssingar sem höfðu betur, unnu 0-1 með marki frá Viðari Erni Kjartanssyni. Þetta flotta mót leyfir liðunum að nota leikmenn sem ekki eru á samning og nýttu bæði lið sér það um helgina. Selfyssingar voru með þá Moyo Modise frá Suður Afríku og Allan Arenfeldt Olesen frá Danmörku.

Daninn Allan Olesen er 29 ára gamall varnarmaður frá Danmörku. Hann hefur leikið 46 landsleiki fyrir yngri landslið Danmörku, var valinn efnilegasti 19 ára leikmaður Danmörku árið 2000. Hann varð Danskur meistari og bikarmeistari með Brönby á árunum 2000-2004 er hann fór til FC Nordsjælland. Hann hefur einnig spilað í Norsku og Finnsku efstu deildinni, samtals yfir 200 leiki í efstu deildum í Skandinaviu. Það væri því virkilega flott að semja við þennan strák og rökrétt skref til að þroska liðið.

Byrjunarlið Selfoss var eftirfarandi: Jóhann Ólafur, Ivar Skjerve, Allan Olesen, Endre Brenne, Andri Freyr, Ingó Tóta, Robert Johann Sandnes, Jón Daði, Óli Kalli, Joe Tillen og Moyo Modise.

Keflvíkingar byrjuðu leikinn betur og á þriðju mínútu fengu þeir verðskuldað víti. Jóhann Ólafur varði vítið að sjálfsögðu. Eftir um korters leik fóru Selfyssingar í gang og voru betri út hálfleikinn, án þess þó að skapa sér umtalsverð færi.

Í hálfleik kom Viðar Örn inná fyrir Moyo. Viðar Örn skoraði úr sinni fyrstu snertingu er hann lagði boltann snyrtilega í netið eftir frábæran undirbúning hjá Jóni Daða sem fór illa með vörn Keflavík. Siggi Eyberg kom svo inn fyrir Robert Sandnes og þá fór Ivar inn á miðju. Ingi Rafn kom svo inn fyrir Ivar. Selfyssingar höfðu leikinn nokkuð veginn í hendi sér og unnu verðskuldað. Nokkrir leikmenn að spila vel í þessum leik fyrir Selfoss og alltaf jákvætt að halda hreinu.

Næsta laugardag hefst svo Lengjubikarinn með leik Selfoss og Fram. Framarar eru í nokkuð góðu formi þessa dagana og unnu t.a.m KR 5-0 í úrslitaleik Reykjavíkurmótsins. Leikið verður í Egilshöll laugardaginn 18. febrúar og hefst leikurinn kl 17.00. Robert Johann Sandnes verður ekki með þar sem félagsskiptaglugginn verður ekki opnaður fyrr en eftir helgi.

Deila

Selfyssingar tóku í gær á móti ÍBV í öðrum leik sínum á fotbolti.net mótinu. Fyrir leikinn voru Selfyssingar með stig, en ÍBV ekki. Eftir fínan leik þar sem liðin skiptust á að hafa forystu unnu eyjamenn leikinn 3-4. Mörk Selfoss skoruðu þeir Ólafur Karl Finsen, Robert Sandnes og Viðar Örn Kjartansson.
Byrjunarlið Selfoss var eftirfarandi: Jóhann Ólafur, Siggi Eyberg, Stefán Ragnar, Nicolaj Pedersen, Andri Freyr, Ingó Tóta, Robert Sandnes,  Jón Daði, Joe Tillen, Óli Kalli og Viðar Kjartans.

Lesa meira

Deila

Selfyssingar tóku á móti Stjörnunni í fyrsta leik liðana á Fotbolti.net mótinu, en leikið var á heimavelli Selfyssinga í Kórnum Kópavogi. Nokkuð marga leikmenn vantaði í bæði lið. Þrátt fyrir það var leikurinn ágætur, Selfyssingar betri og margir ljósir punktar. Stjarnan komst í 0-2, en Selfyssingar jöfnuðu í síðari hálfleik.

Byrjunarlið Selfyssinga var eftirfarandi: Elli, Siggi Eyberg, Stefán Ragnar, Kristján (Reynir Óskars) Andri Freyr, Ingó Tóta (Ingvi Óskars) Svavar Berg (Ingi Rafn) Jón Daði, Joe Tillen, Óli Kalli og Viðar Örn.

Stjarnan komst yfir eftir hálftíma leik, er skalli frá nærstöng small í netinu. Augnabliks einbeitingarleysi í varnarleik Selfyssinga og Stjarnan náði forystunni. Það sem eftir lifði hálfleiks sóttu Selfyssingar mun meira, en náðu ekki að jafna og staðan því 0-1 er dómarinn flautaði til leikhlés.

Í upphafi seinni hálfleiks skoruðu Stjörnumenn. Eftir misskilning í vörn Selfyssinga komst leikmaður Stjörnunnar einn í gegn og setti boltann óverjandi framhjá Ella í markinu. Selfyssingar fengu nokkur góð færi eftir þetta og voru þeir Jón Daði, Óli Kalli og Viðar Örn að ná vel saman í sókninni.

Selfyssingar minnkuðu muninn á 76. mínútu er Viðar Örn Kjartansson skoraði af miklu öryggi úr víti og minkaði muninn í 1-2. Ólafur Karl Finsen jafnaði svo metin er fimm mínútur voru eftir með góðu skoti, eftir flottan undirbúning hjá Viðari Erni.

Nokkrir leikmenn voru að standa sig mjög vel í leiknum, án þess það sé verið að taka einhverja tiltekna út.

Næsti leikur Selfyssinga í Fotbolti.net mótinu er gegn ÍBV og fer hann fram kl 13.30 laugardaginn 21. janúar og að sjálfsögðu er hann í Kórnum. Reglur mótsins leyfa liðunum að leika með samningslausa leikmenn. Selfyssingar munu að öllum líkindum nýta sér það í næstu leikjum og fá á trial einhverja leikmenn. Þannig að spennandi tímar eru framundan hjá knattspyrnuáhugamönnum á Selfossi.

Deila

Selfyssingar tóku á móti BÍ/Bolungarvík í æfingaleik í Kórnum sl. laugardag. Selfyssingar voru mun betri í leiknum og unnu verðskuldað 2-0. Ólafur Karl og Viðar Kjartans skoruð mörk Selfyssinga og var þetta fyrsta mark Óla Kalla fyrir Selfoss og óskum við stráknum til hamingju með það. Arilíus og Henning léku sína fyrstu leiki með selfoss á tímabilinu og var sérstaklega ánægjulegt að sjá þá í búning.

Byrjunarlið Selfoss var eftirfarandi: Elli, Reynir, Stefán Ragnar, Siggi Eyberg, Pálmi, Ingó Tóta, Svavar Berg, Arilíus, Maggi, Þorsteinn Daníel og Ólafur Karl.

Selfyssingar byrjuðu leikinn vel og fyrsta færið áttu þeir er Svavar berg tók góða sprett upp kantinn gaf inn á Alla sem framlengdi á Ólaf Karl, en fínt skot hans fór rétt yfir. Stuttu seinna lagði Ólafur Karl upp gott færi fyrir Þorstein Daníel en skot hans fór hárfínt framhjá. Eftir þessi færi áttu Selfyssingar nokkrar ágætis sóknir, en engin virkilega hættuleg. Hinum megin varði Elli tvívegis vel.

Selfyssingar komust svo yfir eftir um 30 mín leik er Alli átti frábæra sendingu inn á Ólaf Karl Finsen sem afgreiddi boltann snyrtilega yfir Þórð Inga í marki BÍ/Bol. Virkilega vel gert hjá báðum og fyrsta mark Óla Kalla orðið að veruleika.

Fátt markvert gerðist fram að hlé, en þar voru gerðar eftirfarandi skiptingar: Jói inn fyrir Ella, Viðar Kjartans fyrir Alla, Ingi Rafn fyrir Þorstein Daníel og Henning fyrir Magga.

Vestfirðingar byrjuðu seinni hálfleik betur og áttu sláarskot strax í byrjun. Stuttu seinna borgaði Henning í sama er hann skaut með vinstri fæti satans í slána hjá BÍ/Bol. Ólafur Karl kom sér svo í gott færi eftir horn en var óheppinn með skotið sem fór yfir. Ingvi Óskars kom svo inn fyrir Svavar Berg, Jónas fyrir Reynir og Svenni fyrir Ingó Tóta.

Ólafur Karl og Viðar Kjartans léku sig vel í gegnum vörn andstæðingana, en varnarmaður náði á síðustu stundu að afstýra marki. Stuttu seinna átti Ingvi Óskars svo gott skot sem var vel varið. Jónas kom sér svo í gott færi, en skot hans úr vítateig fór rétt yfir.

Seinna mark Selfoss skoraði svo Viðar Örn Kjartansson er hann stýrði knettinum snyrtilega í netið með höfðinu eftir hornspyrnu frá Inga Rafn. Stuttu seinna skoraði Viðar Kjartans aftur, en dómarinn dæmdi markið af vegna rangstöðu sem menn voru ekki á eitt sáttir um í stúkunni.

En 2-0 sigur Selfyssinga í ágætis leik þar sem nokkrir fínir punktar sáust. Næsti leikur Selfyssinga er gegn Grindavík laugardaginn 17. des kl 13.30 og fer hann að sjálfsögðu fram í Kórnum Kópavogi. Þetta er síðasti leikur Selfoss fyrir áramót og standa vonir til að Kjartan Sigurðsson spili þann leik sjóðandi heitur og nýkominn frá USA.

Deila