Selfosskonur komust í toppsæti B-riðils í 1.deild kvenna í dag þegar liðið tók á móti Fjarðabyggð/Leikni á Selfossvelli.

Byrjunarliðið var svo hljóðandi:

                               Dagný P.
Aníta          Þóra          Veronika    Sif

Katrín                 Thelma            Dagný H.
                     Anna Þ.   Aníta
                          Anna María

Varamenn: Lena, Íris Sv., Eva Lind, Bríet, Guðbjörg.

Sigurinn var virkilega erfið fæðing hjá Selfosskonum en Fjarðabyggð/Leiknir komu ákveðnar til leiks og það var hálfgerður sofandiháttur í Selfossliðinu. Þær voru að koma boltanum allt of mikið inn í þvögupakka oft á tíðum og ekki að spila sinn bolta. Selfoss náði ekki að skapa sér mikið af færum í fyrri hálfleik og sendingarnar oft alltof fastar fyrir markið og góður markmaður gestanna var að verja mjög vel í markinu.

Á 20.mínútu fá gestirnir aukaspyrnu fyrir utan teig og nýttu sér hana því hún flaug beint í fjær hornið. Óverjandi og glæsileg spyrna.

Staðan var 1-0 í slökum fyrri hálfleik. En það var ekki uppi á teningnum í síðari hálfleik því Selfossstelpur komu nú ákveðnar til leiks og fóru að spila sinn rétta bolta og átti m.a. Anna María skot í stöngina. Og áfram var markmaður Fjarðabyggðar að verja vel í markinu.

Það gerðist svo loksins eftir stífar sóknir frá byrjun síðari hálfleiks að Selfoss fær hornspyrnu sem Dagný H. Skallar glæsilega í markið. Staðan því orðin 1-1 og ljóst að stelpurnar ætluðu að sýna hvað í þeim býr.

Eva Lind Elíasdóttir, 15 ára stelpa sem leikur með 3.flokki á Selfossi, kom inn á fyrir Önnu Maríu og stimplaði sig rækilega inn í lið Selfoss. Eva skoraði 2.mark Selfoss eftir klafs í teignum eftir hornspyrnu Selfyssinga.

Þriðja mark Selfoss kom eftir góða stungu sendingu frá Guðbjörgu, en hún kom inn á fyrir Önnu Þ., inn á Katrínu sem lék á markmann Fjarðabyggðar og lagði knöttinn í netið.

Aftur var svo Eva Lind á ferðinni þegar hún fær góða stungusendingu frá Katrínu og leikur á markmanninn og rennir knettinum í netið.  4-1 og Selfoss með yfirhöndina í leiknum.

Fimmta og síðasta markið kom þegar Selfyssingar fá dæmda vítaspyrnu og var það Katrín sem fór á vítapunktinn og skoraði af miklu öryggi.

Lokatölur 5-1 á Selfossvelli eftir slaka byrjun en enn og aftur sýndu stelpurnar karakter og koma til baka eftir að lenda undir.

Selfoss er nú í 1.sæti riðilsins með 7 sigra eftir 7 leiki og því fullt hús stiga eða 21 stig.

Það er kalt á toppnum en alls ekki leiðinlegt : )

Næsti leikur stelpnanna er svo aftur við Fjarðabyggð/Leikni á föstudaginn þann 9.júlí en þá fara stelpurnar austur yfir helgina og leika 2 leiki, við fyrrnefnt lið og Hött frá Egilsstöðum.

Deila

Við á orginu höfum óneitanlega gaman af því að grafa upp gamla gullmola.  Fyrir ekki svo löngu síðan var ég að versla í horninu og rakst þar á pakka af pepsideildarmyndum. Ég man nú tímana tvenna þegar kemur að því að safna svoleiðis drasli enda átti ég vígalegt safn af körfuboltamyndum og svo 1×2 myndum, trópídeildarmyndum, markmyndum og Olísmyndum(Þær voru bara af Selfossliðinu). Þegar ég sá þessar myndir ákvað ég að fara í smá fornleifauppgröft hjá henni elskulegri móður minni en þar eru leifar æsku minnar geymdar og fann nokkrar myndir sem tengjast Selfossliðinu smávegis.

Daði átti heima á móti mér á Skólavöllunum og er einn af fáum "Selfysskum" landsliðsmönnum.

Hann hefur leikið 13 leiki með U-16 ára landsliðinu og 5 leiki með U-18 ára landsliðinu. Hann virðist eiga bjarta framtíð sem varnarmaður.

Guðmundur Benediktsson. 20 ára sóknarmaður. Hann hefur leikið 18 leiki með U-16 ára landsliðinu, fimm leiki með U-18 ára landsliðinu o geinn leik með U-21 árs landsliðinu. Hann er einn alefnilegasti knattspyrnumaður landsins og fór ungur utan í atvinnumennsku til Belgíu. Hann er nú komin til liðs við Þór á ný.

En myndin sem stendur óneitanlega upp úr er af Sævari Þór Gíslasyni. Hún fær að bíða betri tíma því ég er nokkuð viss um að hann reyni að drepa okkur ef við birtum hana. En þar kemur fram að áhugamál hans er Búskapur.

Deila