Annar leikur Selfoss í deildarbikarnum þetta árið fór fram í Akraneshöllinni kl: 13 í dag. Skemmst er frá því að segja að okkar menn sigruðu 1-0 eftir mark frá Jóni Bónda Guðbrandssyni, ofurhetju.
.
Byrjunarliðið í dag var eftirfarandi:

Ennþá eru margir lykilmenn ekki orðnir leikhæfir og voru t.a.m. kempur á borð við Sævar Gísla, Henning, Einar Ottó, Alla Matt, Ingþór, Gumma Ben og fleiri ekki með. Það kom þó ekki að sök í þessum leik og var Selfoss mun strekari aðilinn í fyrri hálfleik og leit út fyrir að það ætti að kafsigla vini okkar í KA, 15 skot á markið á fyrstu 45mínútunum en staðan bara 0-0 í hálflleik.
.
Seinni hálfleikur byrjaði síðan á því að Jón Guðbrandsson skoraði eftir að Gummi Tóta hafði reynt á Sandor Matus í marki KA með góðu skoti, boltinn barst til Jóns Daða, hann sendi á Guðbrands sem kláraði færið.
.
Eftir markið jafnaðist leikurinn heilmikið og KA komst betur inn í hann og áttu t.a.m. skot í slánna á 58.mínútu. Mörkin urðu þó ekki fleiri og fyrsti sigur Selfoss í deildarbikar í ca. 2 ár ef rétt er munað.
.
Skiptingar í leiknum voru eftirfarandi:
Jón Sveins kom inná fyrir Sigga Eyberg
Gunni Borgþórs leysti Árna Pál af hólmi
Reynir ungur strákur úr 3.flokki spilaði sinn fyrsta alvöru mfl. leik er hann kom inná fyrir Inga Rafn.
Ingvi Óskars kom síðan inná fyrir Andra Frey og Gummi Tóta af öllum mönnum fór við það í bakvörðinn.
.
Flott að ná loks sigri í hús

Hressleikinn ávallt í fyrirrúmi í lekjum Selfoss og KA (mynd Gummi Kalli)

Deila

Selfoss leikur sinn annan leik í Lengjubikarnum laugardaginn 27. feb kl 13.00 og verður leikið í Akraneshöllinni. Eins og undanfarin ár má búast við skemmtilegri viðureign þessara liða. Í síðasta leik voru þeir Sævar Þór, Henning, Einar Ottó, Ingó Tóta og Gummi Ben ekki með. Ljóst er að Ingó kemur aftur inn, en ólíklegt er að aðrir leiki eitthvað.
Bæði lið töpuð sínum fyrsta leik í keppninni. KA tapaði fyrir Víkingum frá Reykjavík 3-0 og Selfyssingar töpuðu fyrir Frömurum 3-1.
Liðin hafa mæst fjórum sinnum á síðustu tveim árum í deild, auk þess sem þau hafa leikið einn æfingaleik. Í deildinni hafa liðin unnið sitt hvorn leikinn og gert tvö jafntefli og er markatalan 6-5 fyrir KA. En að auki vann KA æfingaleikinn í fyrra 3-1 en sá leikur var leikinn á Akureyri.
Ef teknar eru innbyrðisviðureignir liðana frá upphafi er tölfræðin KA vel í vil. Alls hafa liðin leikið 13 leiki í keppnum á vegum KSÍ og hafa KA unnið átta leiki, þrír hafa endað með jafntefli og Selfoss hefur aðeins unnið tvo leiki. Því lítur þetta svona út 8-3-2 KA í hag.
Dómari í leiknum verður einn af okkar efnilegri dómurum, en það er Halldór Breiðfjörð Jóhannsson. Honum til aðstoðar eru þeir Magnús Þór Jónsson og Þorleifur Andri Harðarson.

Deila

.

Það eru líklega ár og dagar síðan mfl. kvenna hefur haldið Konukvöld, ef það hefur þá verið gert og því um að gera hjá konum bæjarins (og víðar) að slá Herrakvöldinu út í stemmingu.

.

Endilega látið þetta berast og tryggið ykkur miða hjá

.

Þóru – Sími: 694-6479 / mail: thora89@hotmail.com

.

eða

.

Anítu – Sími: 865-9256 / mail: anita.gudlaugsdottir@hotmail.com

ATHUGIÐ BREYTING: Til þess að staðfesta miðapantanir þarf að leggja inn á eftirfarandi reikning:

Rkn: 0586-26-685

Kennitala:  690390-2569

Frekari upplýsingar er svo að fá hjá Þóru og Anítu :)

Deila

Selfoss tók á móti Fram í fyrsta leik sínum í Lengjubikarnum. Selfyssingar byrjuðu betur og komust yfir með marki Jóns Daða og voru þeir óheppnir að vera ekki yfir í hálfleik. Framarar voru svo betri í seinni hálfleik og unnu leikinn 3-1.
Fyrsta færi leiksins fékk Guðmundur Þórarinsson er skot hans sleikti þverslá Framara. En áður voru Selfyssingar nálægt því að komast í dauða færi er þeir voru komnir 3 á 2 en Jón Guðni Fjóluson komst inn í sendingu frá Inga Rafni.

Fyrsta mark leiksins kom á 14. mínútu er Jón Daði fékk sendingu frá Stefáni Ragnari, Jón Daði setti boltann fyrir en varnarmaður Fram komst fyrir boltann sem barst aftur út á Jón Daða. Hann tók  boltann og setti hann á nær stöngina niðri, virkilega flott mark hjá Jóni Daða. En þetta var fyrsta mark hjá þessum efnilega pilti fyrir meistaraflokk, í leik á vegum KSÍ

Þrem mínútum seinna fengu Framara ágætis færi, en Jóhann Ólafur varði vel. En á 21. mínútu fékk Jón Daði góða sendingu frá Jóni Guðbrandssyni inn fyrir vörn Fram, en Hannes í marki Fram kom vel út á móti og lokaði markinu.

Á 31. mínútu slapp Gummi Tóta einn í gegn eftir þríhyrning við Inga Rafn. Gummi lék laglega á Hannes markmann, en missti boltann aðeins of langt þannig að boltinn fór afturfyrir.

Framarar komust svo meira inn í leikinn þegar leið á hálfleikin og varði Jói í eitt skipti mjög vel. En á 41. mínútu fékk Hjálmar Þórarinsson sendingu inn fyrir vörn Selfyssinga og virtist vera rangstæður, en Hjálmar setti boltann fyrir og þar kom Tómas Leifsson og skallaði boltann í markið af stuttu færi.

Síðustu spyrnu fyrri hálfleiks átti Halldór Hermann Jónsson, en skot hans hafnaði upp í samskeytunum, gjörsamlega óverjandi fyrir Jóa og Fram komið í 2-1. Selfyssingar voru búnir að vera betri í fyrri, en að því er ekki spurt og staða í hálfleik var 2-1 fyrir Fram.

Tvær skiptingar voru í hálfleik. Jón Sveinsson kom inn fyrir Agnar Braga og fór Jón í hægri bakvörð og Siggi Eyberg í miðvörðinn með Stefáni Ragnari. Árni Páll kom inn fyrir Jón Guðbrands og datt Arilíus niður á miðju og Árni fór fram með Inga Rafn.

Framarar byrjuðu seinni hálfleik af krafti og áttu skot rétt yfir markið. Selfyssingar áttu svo góða sókn á 53. mínútu, þá setti Stefán Ragnar boltann yfir á Jón Daða, hann fór upp kantinn og fann Andra Freyr sem hamraði á markið en Framarar björguðu í horn. Upp úr horninu var skoti frá Jón Daða bjargað á línu.

Ingþór kom svo inn fyrir Arilíus á 58. mínútu og átti góða spretti. Ingþór kom á hægri kant og Gummi Tóta fór inn á miðju.

Á 70. mínútu skoraði Alexander Veigar gott mark, en boltinn virtist reyndar fara í hönd sóknarmanns Fram, en markið stóð. Eftir þriðja mark Fram gerðist fátt markvert, nema að Framarinn Orri Gunnarsson fékk að líta rauða spjaldið fyrir tveggja fóta tæklingu þremur mínútum fyrir leikslok. Síðasta skipting Selfoss var svo á 84. mínútu, er Ingvi Rafn kom inn fyrir Inga Rafn. leikurinn endaði 3-1 fyrir Fram og sennilega sanngjörn úrslit heilt yfir, þó svo að Selfyssingar hafi verið óheppnir að skora ekki fleiri mörk.

Í lið Selfoss vantaði þá Sævar Þór, Einar Ottó, Henning Eyþór, Ingó Tóta og Gumma Ben. Margt gott er hægt að taka úr leiknum m.a annars margir góðir kaflar í fyrri hálfleik. En svolítið vantar upp á form hjá sumum leikmönnum, en verið er að vinna í því.

Fram: Hannes Þór Halldórsson, Daði Guðmundsson (Jón Orri Ólafsson ’85), Kristján Hauksson, Jón Guðni Fjóluson, Sam Tillen, Halldór Hermann Jónsson, Jón Gunnar Eysteinsson, Almarr Ormarsson, Tómas Leifsson (Alexander Veigar Þórarinsson ’64), Hjálmar Þórarinsson (Orri Gunnarsson ’85), Ívar Björnsson (Hlynur Atli Magnússon ’45).

Selfoss: Jóhann Ólafur Sigurðsson, Sigurður Eyberg Guðlaugsson, Stefán Ragnar Guðlaugsson, Agnar Bragi Magnússon (Jón Steindór Sveinsson ’45), Andri Freyr Björnsson, Gunnar Rafn Borgþórsson, Jón Guðbrandsson (Árni Páll Hafþórsson ’45), Ingi Rafn Ingibergsson (Ingvi Rafn Óskarsson ’84), Guðmundur Þórarinsson, Arelíus Marteinsson (Ingþór Jóhann Guðmundsson ’58), Jón Daði Böðvarsson.

Deila

Selfoss tapaði í fyrstu umferð lengjubikarsins gegn Fram, leiknum lyktaði 3-1 fyrir Fram eftir að Jón Daði hafði komið Selfoss yfir á 14.mín.
Meira síðar

Deila

Selfyssingar mæta Fram í fyrsta leik liðana í Lengjubikarnum á sunnudag. Leikið er í Egilshöll og verður upphafsspyrnan tekin á slaginu 13.00. Leikurinn verður því miður ekki sýndur beint á sporttv.is

Nokkra lykilleikmenn vantar í lið Selfyssinga t.d Einar Ottó, Sævar Þór, og Henning. Eins er Ingó erlendis í vinnuferð.  Hannes Þór Halldórsson markmaður Fram fékk rauða spjaldið í síðasta leik og verður líklega ekki með. Líklegt byrjunarlið gæti allt eins orðið svona: Jóhann Ólafur, Siggi Eyberg, Stefán Ragnar, Jón Guðbrands, Andri Freyr, Ingþór, Ingi Rafn, Gunni Borgþórs, Gummi Tóta, Arilíus og Jón Daði.

Liðin léku um miðjan apríl á síðasta ári og gerðu þá 1-1 jafntefli. Hér má sjá mjög svo faglega umfjöllun um leik Selfoss og Fram fyrir tæplega ári síðan.

Hér má svo sjá næstu leiki Selfossliðsins í Lengjubikarnum.  Þó má búast við að leik Selfoss og Fjölnis verði flýtt til 6. mars.

Allir hvattir til að mæta í Egilshöllina á sunnudag og sjá hvernig liðið lítur út á þessum tímapunkti. Eins og sjá má í þessari frétt þá verður leikurinn  því miður ekki sýndur beint

Tómas.

Deila

Ársþing KSÍ, hið 64. í röðinni, var haldið þann 13.febrúar síðastliðinn. Tvær breytingar urðu á stjórn, Ragnhildur Skúladóttir kemur ný inn í stjórn KSÍ og tekur þar sæti Ingibjargar Hinrikdsdóttur sem gaf ekki kost á sér til endurkjörs. Þá tekur Tómas Þóroddsson sæti landshlutafulltrúa Suðurlands í stað Einars Friðþjófssonar sem gaf ekki kost á sér til endurkjörs.
.
Bíddu bíddu bíddu, var ég að lesa þetta rétt!!! Miðað við þetta lítur út fyrir að Stuðningsmannasíða Selfoss hafi aukið völd sín innan KSÍ mafíunnar ca. 97% sem er gríðarlegur áfangi. Tommi sem er það lævís að hann hefur eflaust sótt um á Herrakvöldi Selfoss er annars gríðarlega vel að því kominn að taka að sér sæti landsbyggðarfulltrúa enda fáir í sögunni unnið eins mikið fyrir fótboltann hér á Selfossi eins og hann undanfarin ár og ekki að undra að KSÍ vilji nýta krafta hans.

.

Þegar er búið að stinga uppa á Tómasi sem sunnlendingi vikunnar á Sunnlenska og ekki er ólíklegt að við heyrum betur í Tomma á næstunni til að grenslast fyrir um það hvað í fjáranum landsbyggðarfulltrúi í stjórn KSÍ gerir nákvæmlega!!

.

Við kíktum þó aðeins við hjá Tómasi og óskuðum honum til hamingju með þetta og könnuðum auðvitað fyrstu viðbörgð kappans….

Lesa meira

Deila

Tölvuofurhetjan okkar er alltaf að bæta síðuna jafnt og þétt, sumt er vel sýnilegt og annað minna, en núna var verið að bæta inn stuðningi við Gravatar.

.

Það þýðir að ef þú skráir þig á Gravatar.com, sem tekur um 2 mínútur og setur inn mynd af þér þar, þá mun hún líka birtast við hvert komment þitt á þessari síðu og öllum þeim síðum, sem styðja Gravatar (sem verða sífellt fleiri).

.

Þið sjáið í kommentum við þessa færslu (mínu kommenti) hvernig þetta lítur út. Þið getið líka sleppt þessu og þá kemur bara standard mynd.

.

ATH: trikkið er að setja alltaf sama email með hverju commenti og þið setjið á gravatar.com (sjá meira um þetta hérna t.d.)

.

Þetta er gríðarlega einfalt, endilega notið þessa færslu til að prófa þetta.

Deila

Í kvöld áttust 2. flokkur Selfoss og meistaraflokkur Hamars úr Hveragerði í ágætis rokleik á gervigrasinu á Selfossi. Hvergerðingar komust sanngjarnt yfir í leiknum eftir vel útfærða hornspyrnu. Selfyssingar jöfnuðu svo leikinn 1-1 um miðjan fyrri hálfleik eftir gott einstaklingsframtak Svíans Linus, sem er á trial hjá Selfoss. Selfyssingar komust svo yfir þegar um fimm mínútur voru eftir af fyrri hálfleik og var það Reynir Már sem skoraði gott mark eftir góða sókn. Hvergerðingar jöfnuðu svo leikinn 2-2 á síðustu andartökum fyrri hálfleiks.

Í seinni hálfleik komust Hvergerðingar svo sanngjarnt yfir 2-3. Það var Reynir Már sem jafnaði leikin er hann fylgdi vel eftir skoti sínu og setti boltann í netið og annað mark hans í leiknum. Staðan því 3-3 og þar við sat í ágætis leik þar sem bæði lið leituðu að spili allan tíman og nokkrar ágætis sóknir sáust.   

Byrjunarlið Selfoss í 4-1-4-1 var eftirfarandi: Aron Leifs, Eysteinn, Höddi Jó, Óskar Guðjóns, Sverrir Tómas, Árni Páll, Elías, Ingvi Rafn, Linus og Harti. Í seinnihálfleik komu þeir Narfi og Jói Guðmunds inná.

Deila

Selfoss og Breiðablik leku æfingaleik í Fífunni í Kópavogi í gær laugardag. Leikurinn var hluti af afmælishátíð Blika, en þeir urðu 60 ára þann 12. febrúar og óskum við þeim til hamingju með það. Blikar voru sterkari í þessari viðureign og unnu 1-0 sigur.
.

Byrjunarlið Selfoss:

.
Notaðir varamenn: Arilíus, Ingi Rafn, Árni Páll, Jón Sveins, Ólafur Tryggva og Ingþór
Ónotaðir voru: Ingvi Rafn, Óskar Guðjónsson, Hartmann Antonsson og Aron Valur Leifsson
.

Byrjunarlið Blika:

.

Blikar byrjuðu mun betur og voru sterkari aðilinn í fyrri hálfleik. Annars voru Selfyssingar skipulagðir í sinni vörn. Breiðablik komust yfir á 33. min þegar Alfreð Finnbogason hirti boltann eftir aukaspyrnu við hornfánan. Jóhann Ólafur varði svo vel aukaspyrnu frá Alfreð stuttu seinna. Í hálfleik komu þeir Arilíus og Ingi Rafn inn á fyrir Gumma Tóta og Jón Daða sem voru að fara spila landsleik seinna um daginn.
.
Í seinni hálfleik jafnaðist leikurinn nokkuð og á tímabili voru Selfyssingar nálægt því að jafna. Linus, Svíinn sem er á reynslu hjá Selfoss var hættulegur frammi og kom sér í þrjú ágæt færi, en fékk samt heilt yfir úr litlu að moða. Heilt yfir lék liðið ágætlega, en sigur Breiðabliks var sanngjarn.
.
Næsti leikur Selfyssinga er fyrsti leikur þeirra í deildarbikar. En Selfoss tekur á móti Fram í Egilshöll sunnudaginn 21. febrúar kl 13.00.

Deila