1. deild karla

Stöðutafla
leikirsigrjafnttöp+/-stig
1Leiknir R.
13
9
3
1
17
30
2ÍA
13
8
0
5
14
24
3Þróttur R.
13
7
3
3
6
24
4Víkingur Ó.
13
7
1
5
1
22
5HK
13
6
3
4
0
21
6KA
13
6
2
5
9
20
7KV
13
5
2
6
-2
17
8Haukar
13
5
2
6
-2
17
9Selfoss
13
4
3
6
-2
15
10BÍ/Bolungarvík
13
4
2
7
-10
14
11Grindavík
13
3
4
6
-1
13
12Tindastóll
13
0
3
10
-30
3

Sjá nánar á KSÍ.is

Pepsi deild kvenna

Stöðutafla
leikirsigrjafnttöp+/-stig
1Stjarnan
10
9
0
1
28
27
2Fylkir
10
6
2
2
4
20
3Breiðablik
10
6
1
3
18
19
4Selfoss
10
6
1
3
9
19
5Þór/KA
10
5
3
2
4
18
6Valur
10
4
3
3
4
15
7ÍBV
10
4
0
6
1
12
8FH
10
2
2
6
-24
8
9Afturelding
10
2
0
8
-22
6
10ÍA
10
0
0
10
-22
0

Sjá nánar á KSÍ.is

Leikir og úrslit

Selfoss - Leikjaplan

Sjá alla leiki

cartes de visite

Selfoss – KB í kvöld

25. júní ´12 | babu | athugasemdir
mfl. karla-Upphitun

Selfoss er í 16-liða úrslitum í fyrsta skipti síðan Porca og/eða Dervic voru hjá okkur sem leikmenn og ekki nóg með það heldur erum við í dauðafæri á að ná alla leið í 8-liða úrslitin. Ég þurfti að tvítékka hvort ég væri ekki örugglega að skrifa inn á heima síðu Selfoss (ekki Árborgar) því mótherjar kvöldsins eru strákarnir í KB.

KB er hálfgert varalið Leiknis í Breiðholti og margir leikmanna Leiknis undanfarin ár hafa stigið sín fyrstu skref í boltanum með KB og KB spilar heimaleiki sína á gervigrasvelli Leiknis. Már eða GK geta bætt við fróðleik um þetta KB lið enda hefur Árborg oft leikið gegn þeim en þeir eru sem stendur í 3.deildinni og byrjuðu mótið ekkert sérstaklega.

Fótbolti.net er með létt viðtal við fyrirliða KB manna, Andra Stefánsson þar sem hann kemur inn á að spennan sé mikil fyrir þennan stærsta leik ársins hjá KB mönnum og menn verið að hliðra til sumarfríum og þ.h. til að ná leiknum, jafnvel markmaðurinn þeirra mætti á æfingu. Þeir virðast nokkuð meðvitaðir um getumuninn á liðunum og ætla að leggja leikinn um með því að verja markið a.m.k. til að byrja með.

Þetta þarf að varast og ekki má vanmeta KB liðið enda hefur það berlega komið í ljós á EM í fótbolta undanfarið að ótrúlegustu lið (Grikkland/England) geta haldið út í útsláttarkeppni með því að múra fyrir markið og senda boltann alltaf beint á mótherjann.

Engu að síður trúi ég ekki öðru en að Logi komi til með að nota hópinn aðeins í þessum leik og gefa þeim sem ítið hafa spilað smá séns í dag.

Tippa á að byrjunarliðið verði svona:

Ismet

Skjerve – Siggi Eyberg – Brenne – Andri

Ingó Tóta – Babacar

Tommi Leifs – Cisse – Ólafur Karl

Ndiaye

Þetta er GJÖRSAMLEGA út í loftið og ég hef ekki einu sinni fulla trú á þessu sjálfur :) Eina sem við vitum er að Stebbi Raggi er í banni í dag.

Viðbætur Más: KB er eins og Babú segir dótturfélag Leiknis, tengslin eru mikil milli klúbbana og spila þau meira að segja í eins búningum, svo er 2. flokkur sameiginlegur hjá þeim. Leiknir/KB og Selfoss/Árborg eru einmitt saman í riðli í 2. fl.  í sumar og hafa spilað einn leik, sá leikur fór fram í Breiðholtinu og skemmst er frá að segja að Breiðhyltingar unnu 3-1 og það sanngjarnt.  Selfoss hefur svo marga hildi háð við Leikni í gegnum árin nánar tiltekið 21 leik þar höfum við yfirhöndina 11-8 og 2 jafntefli hafa liðin gert, þá er markahlutfallið 38-36 okkur í vil.  Í fyrra unnum við 1 og gerðum 1 jafntefli 2009 hins vegar vann Leiknir 4-0 í Breiðholtinu í lélegasta leik Selfoss í mörg ár.

Við skulum svo skoða aðeins hvernig KB hefur verið að spila við venslalið Selfoss, Árborg. Þar eru 5 leikir skráðir Árborg unnið 2 og KB 3 markahlutfallið er 14-15 KB í vil og síðasti leikur þeirra á milli er í 64 liða úrslitum í ár. Sá leikur fór 3-3 í venjulegum leiktíma. KB komist í 0-1 og 1-2 áður en Árborg jafnaði og komst svo í 3-2 á 87 en KB gafst ekki upp og jafnaði í uppbótartíma. Ekkert var skorað í framlengingu og því gripið til víta. Þar hafði KB sigur í bráðabana og leikurinn endaði 7-8. KB vann svo annað suðurlandslið KFS í 32 liða úrslitum 0-1 með sigurmarki á lokamínútunum. Svo því er hægt að segja að ef þeir komast í gegnum þennan leik þá eru þeir að taka sunnlenska þrennu.

KB er sýnd veiði en ekki gefin, þeir spila með hjartanu og berjast eins og ljón allan leikinn. Ef okkar menn koma til leiks haldandi að það sé hægt að rúlla í gegnum þetta með vinstri á hægaganginum þá eru góðar líkur á að KB verði liðið sem kemur á óvart.

Leikurinn hefst 19:15

Allir á völlinn.

Athugasemdir

  1. Gago segir:

    Hvar er Bragi í þessari uppstillingu? Brenne verður í banni gegn Keflavík held ég (fékk sitt 4 gula gegn Fylki) og því kjörið að gefa Braga séns í kvöld.

    Thumb up 0