1. deild karla

Stöðutafla
leikirsigrjafnttöp+/-stig
1Fjölnir
22
13
4
5
14
43
2Víkingur R.
22
12
6
4
28
42
3Haukar
22
12
6
4
20
42
4Grindavík
22
13
3
6
19
42
5BÍ/Bolungarvík
22
13
1
8
8
40
6KA
22
9
5
8
7
32
7Leiknir R.
22
9
5
8
5
32
8Selfoss
22
8
3
11
6
27
9Tindastóll
22
6
7
9
-11
25
10Þróttur R.
22
7
2
13
-10
23
11KF
22
5
6
11
-16
21
12Völsungur
22
0
2
20
-70
2

Sjá nánar á KSÍ.is

Pepsi deild kvenna

Stöðutafla
leikirsigrjafnttöp+/-stig
1Stjarnan
18
18
0
0
63
54
2Valur
18
12
3
3
33
39
3ÍBV
18
12
1
5
18
37
4Þór/KA
18
8
6
4
14
30
5Breiðablik
18
9
2
7
6
29
6Selfoss
18
6
3
9
-14
21
7FH
18
4
5
9
-9
17
8Afturelding
18
4
2
12
-28
14
9HK/Víkingur
18
4
2
12
-32
14
10Þróttur R.
18
1
0
17
-51
3

Sjá nánar á KSÍ.is

Leikir og úrslit

Selfoss - Leikjaplan

Sjá alla leiki

cartes de visite

Sjónarmið andstæðinganna – FH

17. apríl ´12 | babu | athugasemdir
Fréttir-mfl. karla-Sjónarmið andstæðinganna

Næstir til að deila með okkur sjónarmiði andstæðinganna eru FH-ingar og til að svara fyrir þá fengum við mikinn stuðningsmann þeirra, Hafliða Breiðfjörð. Kappinn sá stofnaði vefsíðu árið 2002 þar sem fjalla átti um HM í Japan og S-Kóreu. Síðan heitir Fótbolti.net og er Hafliði ennþá eigandi og ritstjóri síðunnar sem fagnar um þessar mundir 10 ára afmæli sínu og veit því sitthvað um sína menn.

Sæll og blessaður Hafliði, hvernig lýst þér á komandi sumar hjá þinum mönnum?
Blessaður og takk fyrir að bjóða mér að svara þessu fyrir mína menn. Mér líst ágætlega á komandi tímabil hjá FH miðað við það sem ég hef séð á undirbúningstímabilinu og að venju eru þeir að klára að slípa liðið saman í Portúgal þessa dagana.

FH-ingar voru seinir í gang á síðasta tímabili og virtust aldrei líklegir til að sigra mótið en enda samt í öðru sæti einum sigurleik frá meisturunum. Hefur þú trú á að hópurinn sé sterkari núna og frekar tilbúinn í að berjast frá byrjun tímabils?
Það hefur verið stórt vandamál hjá FH undanfarin ár hversu mikið hefur þurft að breyta byrjunarliðinu milli leikja og þá sérstaklega öftustu varnarlínu. Ég man ekki eftir tveimur leikjum í röð með sömu varnalínuna lengi fram eftir mótinu en um leið vegna meiðsla og leikbanna. Þegar stöðugleikinn komst á þarna lagaðist gengi liðsins. Í ár er búið að styrkja hópinn í þeim stöðum sem mesta vandamálið var í fyrra svo ég býst við að hópurinn ætti að vera betur búinn hvað þetta varðar í ár.

Eru miklar breytingar fyrirséðar á liðinu frá síðasta tímabili?
Já það verða nokkrar breytingar og þá sérstaklega því liðið hefur misst sterka leikmenn og verður að fylla þeirra skarð. Það munar helst um fyrirliðann Matthías Vilhjálmsson og leiðtogann í vörnina, Tommy Nielsen sem hefur verið gríðarlega mikilvægur liðinu síðan hann kom árið 2003. Það verður fróðlegt að sjá hver mun verða leiðtoginn í liðinu í sumar í fjarveru þeirra.

Hvernig leikkerfi/bolta er Heimir Guðjóns allajafna að leggja upp með?
Logi Ólafsson sem í dag þjálfar ykkur Selfyssinga tók við FH-liðinu um aldamótin. Þá hafði gengið mjög illa að komast upp í efstu deild í mörgum tilraunum. Hann fór þá að láta liðið spila 4-3-3 leikkerfið og frá þeim tíma hófust gullaldarár FH liðsins sem hafa varað síðan. Hans eftirmenn, Siggi Jóns fyrst, svo Óli Jó og Heimir Guðjóns hafa haldið við þetta leikkerfi síðan þá og ég býst ekki við að það breytist.

Eins og staðan á hópnum er núna hverja myndir þú flokka sem algjöra lykilmenn (hryggsúluna) í FH liðinu?
Svo ég byrji alveg aftast þá er Gunnleifur Gunnleifsson í markinu gríðarlega mikilvægur liðinu og það getur líka skipt sköpum fyrir liðið að annar gamall jálkur, Bjarki Gunnlaugsson spili sem mest. Hann hefur verið að spila mikið á undirbúningstímabilinu og vonast til að spila mikið í sumar. Framlínan sem hefur spilað undanfarin ár er svo mjög öflug og verður gaman að sjá Albert Brynjar Ingason bætast inn í þann hóp.

Hver er mesta all time legend FH bæði innan vallar (leikmaður) og utan vallar (stuðningsmaður) og af hverju?
Ég held að það verði að telja Óla Jó sem eitt mesta legend innan vallar hjá félaginu. Undir hans stjórn náði liðið sínum besta árangri, fyrst þegar hann var spilandi þjálfari og liðið var einum leik frá Íslandsmeistaratitlinum árið 1989 og svo eftir að gullöldin hófst hjá félaginu og hann gerði liðið að Íslandsmeisturum í fyrsta sinn árið 2004 og hélt svo áfram að sækja titlana. Ég á erfitt með að telja til einn úr stuðningsmannahópnum, það er stór hópur sem stendur að baki liðinu og hefur gert undanfarin ár. Ég man að eftir þetta tímabil 1989 kvartaði Óli Jó yfir því hversu fáir mættu til að horfa á liðið og saga gekk af manni sem hringdi í Kaplakrika það árið og spurði: ,,Hvenær er næsti leikur hjá FH liðinu?‘‘ Svarið sem hann fékk var: ‚,Já… hvenær geturðu komið?‘‘ Síðan hefur margt breyst og stór hópur stendur að baki liðinu í stúkunni.

Hvaða leikmann/leikmenn sem knattspyrnuáhugamenn utan FH hafa ekki séð mikið til eða heyrt um sérðu fyrir þér springa út í sumar? Er eitthvað af ungum leikmönnum að skila sér upp í ár sem vert er að fylgjast með?
Það hefur oftast verið þannig hjá FH undanfarin ár að einn ungur leikmaður úr unglingastarfinu skilar sér inn í byrjunarliðið hjá meistaraflokki. Í ár sé ég fyrir mér að sá leikmaður verði Emil Pálsson sem kom inná í nokkrum leikjum í fyrra og stóð sig vel. Það eru svo fleiri ungir leikmenn sem munu verða viðloðandi liðið og eitt mesta efnið af þeim ungu er hinn 17 ára gamli Kristján Flóki Finnbogason sem hefur aðeins fengið að vera með meistaraflokknum í vetur.

Eins og staðan er núna, hvaða lið tippar þú á að verði í efstu þremur sætunum að tímabili loknu, hvaða lið verður spútnik liðið og hvaða tvö lið heldur þú að falli niður um deild?
Miðað við það sem ég hef séð í vetur má búast við að Framarar verði öflugir í sumar. Þeir styrktu sig vel í lok síðasta tímabils og hafa haldið öllum erlendu leikmönnunum og bætt við markakóngi 1. Deildar og fleiri leikmönnum eins og Ásgeiri Gunnari Ásgeirssyni úr FH. Ég býst alltaf við FH þarna uppi með þeim og KR er eins og er spurningamerki, þeir hafa valdið mér vonbrigðum á undirbúningstímabilinu en það verður að muna að það er ekki alltaf að marka undirbúningsleikina. Hvað varðar sputnik liðið þá búast allir við miklu af nýliðum ÍA þetta árið. Þeir eru með öflugt lið og þó svo ég telji að varnarleikurinn verði spurningamerki hjá þeim býst ég við að þeir skori þá bara meira. Ég get ekki spáð fyrir um fall eins og staðan er núna, liðin eru enn að styrkja sig og ég átta mig ekki nógu vel á því ennþá.

Þekkir þú eitthvað til Selfossliðsins og hverja telur þú möguleika okkar vera í sumar?
Ég hef séð eitthvað til Selfoss liðsins í vetur og tel að þeir geti átt fína möguleika. Liðið hefur verið styrkt mikið og Viðar Örn er duglegur að koma sér í færi, ef hann lagar nýtinguna mun hann raða inn mörkum í sumar.

Ef þú mættir fá tvo leikmenn Selfoss í FH hvaða leikmenn myndu það vera (og afhverju)?
Ég vil alltaf fá FH-inga heim aftur svo númer eitt og tvö væri sá leikmaður Tómas Leifsson. Hann spilaði alltof lítið í búningi FH á sínum tíma og er klárlega leikmaður sem gæti nýst FH.

Hver eru fyrstu 3 atriðin sem þér dettur í hug þegar minnst er á Selfoss?
Í dag…. Senegal? Svo þetta týpíska, sveitaballahljómsveitir og aflitað hár!